شاری ئەدەبی ئێکسیتەر خۆشحاڵە بە ڕاگەیاندنی پڕۆژەی هاونشینی ئەدەبی بۆ نووسەرانی شارە ئەدەبییەکانی یونسکۆ. ئەم دەرفەتە ناوازەیە پاڵپشتی پێشکەش بە سێ نووسەر دەکات بۆ پەرەپێدانی کارەکانیان لە ناوچەی گرینوەی و شاری مێژوویی ئێکسیتەر.
ڕێکەوت: ٢٥ی ئەیلوول تا ١٦ی تشرینی یەکەمی ٢٠٢٦
ئەوانەی پێشکەش دەکرێن:
- (٢) هەفتە نیشتەجێبوون لە گرینوەی، لەگەڵ ژووری نووسین، چێشتخانە و هۆڵی هاوبەش.
- (١)هەفتە نیشتەجێبوون لە شاری ئێکسیتەر
- تێچووی بلیتی فڕۆکە.
- تێچووی هاتوچۆی ناوخۆیی لە نێوان شوێنەکانی مانەوە.
- بەرنامە و چالاکی بۆ پەیوەندیکردن لەگەڵ کۆمەڵگەی ئەدەبی ناوچەکە.
مەرجەکانی وەرگرتن:
- دەبێت نیشتەجێ یان پەیوەندی بە یەکێک لە شارە ئەدەبییەکانی یونسکۆ هەبێت لە دەرەوەی بەریتانیا، یان پێشتر پەیوەندییەکی بەهێزی پێیانەوە هەبووبێت.
- پێویستە کتێبێک بە زمانی ئینگلیزی(وەرگێڕانیش بێت ئاساییە) هەروەها دوو کتێب یان زیاتر بە زمانی ڕەسەنی خۆی بڵاوکردبێتەوە
- بوارەکان: فیکشن(بە شیعرەوە)، نووسین دەربارەی سروشت یان ئەدەبیاتی منداڵان.
- زمان: دەبێت ئاستی زمانی ئینگلیزیی نووسەرەکە باش بێت.
- پێویستە نووسەرەکە توانای بەڕێکردنی کاروباری ڕۆژانەی خۆی هەبێت (ئامادەکردنی خواردن و گەشتکردن بەتەنیا) بەهۆی دووریی شوێنەکە.
دوا مۆڵەت بۆ پێشکەشکردنی داواکارییەکان: چوارشەممە، ١ی نیسانی ٢٠٢٦
بۆ زانیاری زیاتر و پێشکەشکردنی داواکاری دەتوانن سەردانی ئەم لینکە بکەن: خۆ تۆمارکردن
