ڕۆژی ٢٧-٥-٢٠٢٣، لە ھۆڵی سینەما سالم لە سلێمانی، بە ئامادەبوونی د. ھەڤاڵ ئەبوبەکر پاریزگاری سلێمانی و د. موحسین ئەدیب بەڕێوەبەری گشتیی رۆشنبیریی و ھونەری سلێمانی و ژمارەیەکی بەرچاو لە نووسەران و هونەرمەندان، مەراسیمی خولی پێنجەمی خەڵاتی کارۆ- ٢٠٢٣ خولی مامۆستا سەلام مەنمی بۆ چیرۆک، بۆ بەڕێز مامۆستا حسێن عارف بەڕێوەچوو.
![](https://slemanicityofliterature.com/wp-content/uploads/2023/05/349737810_517099987156488_1810222589409156584_n-1-1024x682.jpg)
پارێزگاری سلێمانی لە وتەیەکدا پیرۆزبایی پارێزگای سلێمانی پێشکەش بە مامۆستای بەڕێز حسێن عارف کردو، سوپاس و پێزانینی پێشکەش بە بەڕێزان کاک عەتا مەحمود و هاوژین مەحمود خاوەنانی پڕۆژەکەو چاپخانەی کارۆ کردو، پشتیوانیی بەردەوامی خۆی بۆ کایە کولتوریی و ڕۆشنبیرییەکان دووپاتکردەوە.
![](https://slemanicityofliterature.com/wp-content/uploads/2023/05/350127265_260287056669383_1172255505450550594_n-1-1024x682.jpg)
لە مەراسیمەکەدا، د. موحسین ئەدیب بە نوێنەرایەتی بەڕێز وەزیری رۆشنبیریی و لاوان لەوتەیەکدا وێڕای دەستخۆشی لە چاپخانەی کارۆ بۆ رێکخستنی مەراسیمەکە، رۆڵ و پێگە و قەڵەمەکەی مامۆستا حسێن عارف- ی بەرز نرخاند کە زیاتر لە نیو سەدەیە خزمەت بە بواری رووناکبیریی و فەرھەنگی و کلتوری دەکات و یەکێکە لە رەمزە گەورەکانی بواری ئەدەبی کوردی.ھەر لە مەراسیمەکەدا وتاری ھەریەک لە د.هەڤاڵ ئەبوبەکر پارێزگاری سلێمانی و عەتا مەحمود سەرپەرشتیاری خەڵاتی کارۆ و وتاری دەزگای سەردەم لە لایەن ئازاد بەرزنجی یەوە خوێندرانەوە.پاشان دەقێکی شیعری بەناوی ( داری بەرداری چیرۆک) لەلایەن شاعیر دلاوەر قەرەداغی یەوە خوێندرایەوە و نمایشی فیچەرێک بەناونیشانی «حسێن عارف نووسەرێکی نوێخواز» بێشکەشکرا و لە کۆتایی مەراسیمەکەشدا وتاری لیژنەی خەڵاتەکە، لەلایەن کەژاڵ ئەحمەدەوە خوێندرایەوە و خەڵاتی کارۆ لە لایەن مامۆستا ڕەوف بێگەرد ەوە پێشکەش بە مامۆستا حسێن عارف کرا.
![](https://slemanicityofliterature.com/wp-content/uploads/2023/05/349570769_1260272764599120_1922716487362773805_n-1-1024x835.jpg)
![](https://slemanicityofliterature.com/wp-content/uploads/2023/05/349358253_237165728952554_1411828914134100111_n-1.jpg)
![](https://slemanicityofliterature.com/wp-content/uploads/2023/05/349621291_879587809782168_390305004133750576_n-1.jpg)
![](https://slemanicityofliterature.com/wp-content/uploads/2023/05/350113601_1037148230608570_1512541662040009277_n-1-1024x682.jpg)
![](https://slemanicityofliterature.com/wp-content/uploads/2023/05/349365003_1317476218976434_8311807905660266906_n-1.jpg)
![](https://slemanicityofliterature.com/wp-content/uploads/2023/05/349604363_1321238112131777_511007927392360613_n-1-1024x682.jpg)
![](https://slemanicityofliterature.com/wp-content/uploads/2023/05/347230656_772811867833244_3406475387041628389_n-1-690x1024.jpg)
![](https://slemanicityofliterature.com/wp-content/uploads/2023/05/349729677_270607522019093_2942163946699348770_n-1024x682.jpg)
فۆتۆ؛ عەدنان رۆژبەیانی