نووسینگەی سلێمانی شاری داهێنەری ئەدەبی یونسکۆ، گەرمترین پیرۆزبایی ئاراستەی ئەو شارە نوێیانە دەکات کە وەک “شاری ئەدەبی” دەستنیشان کراون. بوونیان بە ئەندام لە تۆڕی شارە داهێنەرەکانی یونسکۆ ، بەڵگەیەکی ڕوونە لەسەر پابەندبوونی قووڵی هەر یەکێک لەو شارانە بە میراتی ئەدەبی و دیدگایان بۆ داهاتوویەک کە کولتوور و داهێنان نەخشەی بۆ دەکێشێت.
بە بوونیان بە بەشێک لەم تۆڕە جیهانییە، ئەم شارانە جەخت لە پابەندبوونی خۆیان دەکەنەوە بۆ دانانی کولتوور و داهێنان لە چەقی گەشەپێدانی بەردەوامدا. بینەری ئەم ڤیدیۆیەی خوارەوە بن بۆ ئاشنابوون بەم شارە سەرنجڕاکێشانە و گەڕان بەناو ئەو گیانە ئەدەبییە بێهاوتایەی هەر یەکێکیان پێشکەش بە جیهانی دەکەن.
بەخێربێن بۆ تۆڕی شارە داهێنەرەکانی یونسکۆ
