بەختیار عەلی، نووسەر و ڕۆماننووسی دیاری کورد، چەند گرێبەستێکی بۆ وەرگێڕان و بڵاوکردنەوەی شەش ڕۆمانی بە چەند زمانێکی بیانی واژۆ کردووە.
بەپێی ئەوەی لە هەژماری فەیسبووکی فەرمی بەختیار عەلی بڵاوکراوەتەوە:
- ڕۆمانی “دواهەمین هەناری دونیا” لە ماوەیەکی نزیکدا بە زمانی ڕووسی بڵاودەکرێتەوە.
- ڕۆمانی “بەندەر فەیلی”، بە وەرگێڕانی هێمن عومەر، بڕیارە ئەمساڵ بە زمانی دانیمارکی چاپ بکرێت.
- گرێبەستێک لەگەڵ دەزگای بڵاوکردنەوەی “دیل کراتەر” لە بارسێلۆنا واژۆ کراوە بۆ وەرگێڕان و چاپکردنی ڕۆمانی “دواهەمین هەناری دونیا” بە زمانی کەتەلانی.
- لە ئەمریکا، دەزگای بڵاوکردنەوەی “ئارکیپێلاگۆ” ڕۆمانی “داگیرکردنی تاریکی” بە زمانی ئینگلیزی چاپ دەکات.
- ڕۆمانی “نەفرەتی نەوبەهاران” بۆ سەر زمانی ئەڵمانی وەرگێڕدراوە و دەزگای “یونێۆنس فێرلاگ”ی سویسری چاپی دەکات.
- هەروەها گرێبەستێک لەگەڵ بنکەی “توتەم یاینلار” واژۆ کراوە بۆ وەرگێڕان و بڵاوکردنەوەی هەردوو ڕۆمانی “شاری مۆسیقارە سپییەکان” و “کۆشکی باڵندە غەمگینەکان” بە زمانی تورکی.
